Lærerveiledning
Lærarrettleiing - Snake
Om oppgåva
I denne oppgåva skal elevane lage ein versjon av spelet Snake. Ein eller annan variant av dette spelet har eksistert på nesten alle personlege datamaskiner heilt sidan slutten av 1970-talet. Spelet vart ekstra populært då det dukka opp på Nokia sine mobiltelefonar i 1997, og har seinare blitt innlemma i New York Museum of Modern Art si samling.
Spelet går ut på å styre ein slange rundt på skjermen, og slangen må unngå å krasje i kanten av skjermen eller seg sjølv. Slangen veks ved å ete eple som dukkar opp tilfeldige stader på skjermen. Spelet kan vidareutviklast på mange måtar, anten ved å lage ekstra hindringar på skjermen, ulike typar bonuseple, eller til dømes ved at to slangar konkurrerer om å ete epla og om å stenge kvarandre inne.

Oppgåva passar til:
Fag: Kunst og handverk, matematikk, programmering.
Anbefalte trinn: 3.-10. trinn.
Tema: Grunnleggjande geometriske former, koordinatsystem, variablar.
Tidsbruk: Dobbelttime eller meir.
Kompetansemål
Forslag til læringsmål
Forslag til vurderingskriterium
Føresetnader og utstyr
Framgangsmåte
Her finn du tips, erfaringar og utfordringar til dei ulike stega i oppgåva. Klikk her for å sjå oppgåveteksten.
Når eg får meldinga [nytt spel]
I dei meir avanserte Scratch-oppgåvene brukar me kodeblokka
når eg får meldinga [Nytt spel v]
i staden for
når @greenFlag vert trykt på
Det blir introdusert litt subtilt i kvar oppgåve, så dei fleste elevane får det
ikkje med seg når dei programmerer. Å bruke ei slik melding har fleire fordelar,
mellom anna at det går an å starte spelet på nytt utan å måtte trykke på det
grøne flagget (til dømes kan meldinga Nytt spel sendast ut når ein bestemt
tast på tastaturet blir trykt). Gjerne diskuter fordelar og ulemper ved dette
med elevane for å gjere eit poeng av det.