Nivå 3Hugsespel

Til lærerveiledningenOgså på:Bokmål

Åpne på mobilen

Skann koden med kameraet på mobilen. Avkrysningene dine blir med.

Hugsespel

I denne oppgåva skal du lage eit hugsespel der spelaren skal hugse flest mogleg ord i riktig rekkefølgje. Spelaren skal få opp ei liste med ord, så skal lista forsvinne og spelaren skal skrive inn orda i rett rekkefølgje. Viss orda blir skrive inn riktig vil lista utvidast med eit nytt ord spelaren må hugse. Programmet fortset slik til spelaren gjettar feil. Når spelet er ferdig får spelaren vite kor mange ord han eller ho klarte å hugse etter kvarandre.

Me vil byggje programmet steg for steg. I kvart steg blir det gitt viktige tips som liknar på det du må gjere for å løyse steget.

Døme på korleis programmet skal fungere:

Illustrasjon av eit ferdig hugsespel

Steg 1: Utvid ei liste med tilfeldige element

Tips: Lister

Kva: Ei liste er ein variabel som kan lagre fleire verdiar på ein gong.

Korleis lage lister:

liste = ['sau', 'gris', 'menneskje']
tom_liste = []
print(liste)
print(tom_liste)

Korleis hente ut verdiar frå ei liste:

print(liste[2])

Hugs at me startar å telje på 0, så i dømet over hentar me det tredje elementet i lista. Me tel altså 0, 1, 2, 3, ....

Korleis finne lengda til ei liste:

lengde = len(liste)
print(lengde)

Korleis leggje til ny verdi på slutten av ei liste:

print(liste)
liste.append('nils')
print(liste)

Prøv ut døma for å forstå korleis du kan bruke dei til å løyse oppgåva.

Tips: Velje eit tilfeldig element i ei liste

For å hente eit tilfeldig element frå ei liste kan du bruke choice() i random-biblioteket.

Døme:

import random
liste = ['asdf', 'qwerty', 'nils']

tilfeldig = random.choice(liste)
print(tilfeldig)

Prøv å køyre denne koden mange gonger!

Steg 2: Hent inn tekst og lag liste av den

Tips: Hente innput

For å hente innput og lagre det til ein variabel kan me bruke funksjonen input().

Døme:

tekst = input('Skriv noko')

Det som brukaren skriv inn blir lagra i variabelen tekst.

Tips: Splitte tekst til ei liste

Sidan spelaren ikkje kan skrive inn ei liste, berre tekst, må me forandre teksten til ei liste. Dette kan me gjere med funksjonen split(). Viss me skil orda som skal vere i lista med eit spesielt teikn, så kan split() hente ut alle orda og leggje dei i ei liste.

Døme:

tekst = 'giraff-nasehorn-bjørn-pelikan'
liste = tekst.split('-')
print(liste)

Merk '-' som står i parentesen split('-'). Den fortel kva teikn som skil orda frå kvarandre.

Test ut dømet for å sjå kva som skjer.

Steg 3: Lag spelet

Sjekkliste for oppgåva